Алматыда Мәдина Ерәлиеваны еске алуға арналған «Сағындым, сағым жылдар!» атты концерт
Сіздерді қазақ эстрадасының «аққуы», аңызға айналған әнші — Мәдина Ерәлиеваның рухына тағзым етуге арналған «Сағындым, сағым жылдар!» атты ауқымды ретро-концертіне шақырамыз. Кеш Алматының қақ ортасында, еліміздің бас сахнасында өтеді.
Бұл концерт — ұлы талантқа деген құрмет және Қазақстанның мәдени мұрасына айналған сүйікті әндерді қайта тыңдау мүмкіндігі.
Бағдарламада қазақ эстрадасының жұлдыздары өнер көрсетеді:
Сахнада танымал орындаушылар мен ұжымдар Мәдина Ерәлиеваның репертуарын және өздерінің үздік туындыларын орындайды:
- Мэтрлер: Роза Рымбаева, Майра Ілиясова, Айгүл Қосанова.
- Танымал әртістер: Әлішер Кәрімов, Мәдина Сәдуақасова, Тамара Асар, Жеңіс Ысқақова, Жанар Айжанова, Жұбаныш Жексен.
- Топтар мен дуэттер: «Жігіттер» тобы, Мирас пен Құралай.
- Ансамбльдер: «Сазген сазы», «Адырна», «Алтынай» мемлекеттік би ансамблі, «Мәр-Мәр».
Сондай-ақ, Елена Әбдіхалықова, Серік Ибрагимов, Әйгерім Қалаубаева және басқа да көптеген әртістер қатысып, сіздерге сағынышқа толы шуақты кеш сыйлайды.
